Merkatua proiektua 2015. urtean sortu zen, auzoarentzako hirigintza-plan suntsitzaile bat geldiaraztea lortu zuelarik, eta bizilagun batzuk, gehienak Portugaleteko alde zaharrekoak, kezkatuta zeudelako horniduren merkatua gutxi erabiltzen zelako, azken saltokiak 2010ean postua itxi zuenetik. Merkatuari bizia emateko gogoak, garapen komunitarioko, parte-hartzaileko eta integratzaileko proiektu bat martxan jartzeko espazio zabal baten beharrarekin batera, mugimenduan jarri zituen hainbat pertsona.
Proiektu hau martxan jartzeko beste kezka bat da gure gizartean parte-hartzea eta asoziazionismoa hiltzen ari direla. Horregatik, lankidetza, sareko lana, herritarren parte-hartzea eta antzeko gizarte-balio garrantzitsuak sustatzen dituzten beharrezko kanalak eta espazioak sortzeko beharra ikusten zen.
Merkatua proiektua Portugaleteko hornidura-merkatuan kokatzen da, 2 solairutan banatutako 800 m2-ko espazio diafanoa.
Urte hauetan zehar, Merkatua espazio itxi eta erabilezin bat izatetik, udalerrian erreferente handi bat izatera igaro da, batez ere elkarteen eta boluntarioen munduan. Bestela existituko ez liratekeen hainbat eta hainbat ekitaldi soziokultural egiteko espazioa eskainiz.
